Nafta ruse mbërrin në Europë – India e blen me me çmim të favorshëm dhe më pas e dërgon në tregjet europiane
![](https://scantv.al/wp-content/uploads/2022/07/naftaaa-765x383.jpg)
Në muajin maj të këtij viti, rafineritë indiane kanë blerë 800 mijë fuci nafte ruse në ditë, me një cmim të ulët, duke rritur shqetësimet se një pjesë e saj mund të dërgohet në Europë si naftë e rafinuar.
Sipas të dhënave të publikuara nga britanikja Guardian, rafineria Jamnagar në Gijarat të Indisë ka marrë 27% të naftës së saj nga Rusia në muajin maj, në krahasim me 5% në muajin prill. Qendra për kërkimet për energjinë dhe ajrin e pastër deklaroi se rreth 20% e eksporteve të Jamnagar është transportuar nëpër kanalin e Suezit duke dëshmuar se drejtohej për në Europë apo në Shtette e Bashkuara të Amerikës.
Dhe pse nuk ka konfirmime zyrtare që këto dërgesa përfshijnë naftën ruse, Shtetet e Bashkuara të Amerikës janë në dijeni se tregtia ruse e naftës është rritur si me Kinën ashtu dhe me Indinë, duke minuar impaktin e sanksioneve perëndimore ndaj Rusisë.
Sipas mediave ndërkombëtare, të cilat kanë ripublikuar lajmin, ka shumë truqe që mund të fshehin burimin e naftës, duke përzier naftën që vjen nga vende të ndryshme, kalimin e naftës nga anije ruse në anije të tjera gjatë lundrimit dhe përfundimin e marrëveshjeve në Yuan në vend se në dollarë.
Përvec blerjes së naftës, marina indiane ka kontribuar në krijimin e mundësisë për flotën ruse të Sovcomflot që të vazhdojë eksportin e naftës. Deri tani janë identifikuar 80 anije të menaxhuara nga kompania e Dubait SCF Management Services, një ent me seli në Emiratet e Bashkuara Arabe.
Sovcomflot është kompania lundruese më e madhe e Rusisë dhe një lider botëror për transportin detar të hidrokarbureve, si dhe në ndihmën dhe mbështetjen për kërkimin në det të hapur dhe prodhimin e naftës dhe gazit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.