Tregtia globale kalon nga Kazakistani – Kina është e para që ka riorientuar flukset tregtare drejt vendi

Sanksionet perëndimore të imponuara ndaj Rusisë po shkaktojnë një riorientim të flukseve të tregtisë ndërkombëtare, sidomos asaj kineze. Për shumë operatorë të tregtisë tranzit, Rusia, me ekonominë e saj të bllokuar nga sanksionet, nuk është më një opsion. Volumet e dërguara nëpërmjet hekurudhave kazake po zgjerohen shumë shpejt dhe janë në program itenerare të reja nga Kina, mes të cilave dhe hekurudha Kinë – Kirghizistan – Uzbekistan.

Sipas të dhënave zyrtare të Kazakistanit, porti detar tregtar i Aktau, porti i Kuryk dhe terminali Aktau Marine North, pika kyçe të Detit Kaspik në Rrugën Ndërkombëtare të Transportit Trans-Kaspik, i njohur gjithashtu si seksioni kyç i “Korridorit të Mesëm” dyfishoi vëllimin e eksporteve.

Ky vëllim pritet të shtatëfishohet këtë vit duke arritur deri në 3.2 milion ton. Mallrat që vijnë nga ky terminal dërgohen më pas në Iran, Rusi dhe Azerbajxhan.  Kazakistani është aktualisht pjesë e “Belt and Road Initiative”, BRI, iniciativa kineze për investimet dhe infrastrukturat e transportit që parashikon Kazakistanin si një zonë tranzit për mallrat kineze që i drejtohen tregejeve në Europë dhe anasjelltas. Por ky rol do të zgjerohet edhe më shumë pasi vendet europiane dhe kaukaziane po përpiqen që të fuqizojnë edhe më shumë këtë itenerar.

Autoritetet kazake konfirmojnë se nëse më parë mallrave nga portet e tyre për në turqi do i duheshin 60 ditë kohë, me investimete  fuqishme në infrastrukturë, kjo kohë është reduktuar në 13 ditë.

Gjithashtu Kazakistani ka nisur të ndryshojë iteneraret e eksportit të naftës drejt Kinës dhe Europës dhe duke përdorur korridoret turke të transportit.

Ky trend pritet të vazhdojë të zgjerohet në të ardhmen pasi Kazakistani ka rritur kapacitetin e tubacioneve të tij dhe ka përmirësuar portet detare të Aktau dhe Kuryk.

Shifrat e publikuara këtë vit kanë treguar tashmë një rikuperim të rëndësishëm në qarkullimin tregtar të Kazakistanit me Kinën: Administrata e Përgjithshme e Doganave të Republikës Popullore të Kinës njoftoi më 18 maj se xhiroja ishte 9 miliardë dollarë në katër muajt e parë të 2022-shit. Kompania kazake QazTrade raportoi më parë se tregtia me Kinën në tremujorin e parë të vitit ishte 4.7 miliardë dollarë, një rritje prej 35.6% nga viti në vit.

Në të gjithë Kazakistanin pa dalje në det, vëllimi i mallrave të transportuara së bashku nga operatori shtetëror hekurudhor i Kazakistanit Temir Zholy dhe Hekurudhat e Azerbajxhanit u rrit në 1.388.100 ton, një rritje prej 1.088.800 ton, ose deri në 364%, krahasuar me vitin e kaluar.

Në një kohë që ka rrugë ndërmjet Azisë dhe Evropës përmes Kanalit të Suezit, kostot e transportit dhe koha e dorëzimit janë më të larta se rrugët alternative përtej Detit Kaspik. Në periudhën afatshkurtër dhe afatmesme, zona e Kazakistanit është e vetmja alternativë e mundshme për trafikun global të mallrave që nuk mund ose nuk duhet të kalojë përmes Rusisë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.