Nafta, sesioni i tretë me radhë në rënie – Humb mbi 6% gjatë kësaj jave, ndikon ngadalësimi i ekonomisë
Nafta po qëndron në rënie edhe në sesionin e sotëm, duke publikuar humbje për të tretin sesion me radhë, për shkak të ngadalësimit të ekonomisë amerikane dhe rritjes së rezervave të benzinës. Nafta Brent e Londrës po tregtohet pranë 81 dollarëve për fuçi, ndërsa nafta Bruto amerikane po tregtohet në rreth 77 dollarë për fuçi.
Në dyja kontratat ranë edhe me 2% në sesionin e kaluar, duke prekur nivelin më të ulët që nga fundi i marsit, për shkak të shqetësimeve se ekonomia amerikane mund të përballet me një recesion, gjatë këtij viti. Gjatë kësaj jave, çmimet e naftës kanë rënie me mbi 6%. Analistët parashikojnë se nafta do të tregohet mes 70 dhe 80 dollarëve për fuçi në javët në vijim, pasi investitorët do të presin tendencën e konsumit në Shtetet e Bashkuara, në prag të sezonit të verës, kur kërkesa rritet ndjeshëm.
Të dhënat e publikuara në SHBA kanë sugjeruar një ngadalësim të mëtejshëm të ekonomisë më të madhe në botë, sepse aplikimet për përfitimin e asistencës së papunësisë patën një tendencë në rritje. Për sa i përket furnizimit të tregut, eksportet e Rusisë drejt vendeve perëndimore pritet të regjistrojnë nivelin më të lartë që nga viti 2019, gjatë prillit, pavarësisht angazhimit të Moskës për të ulur kuotat e prodhimit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.