Nafta “zgjeron” humbjet – Vijon perspektiva e dobët e kërkesës

Çmimet e naftës ranë të martën pasi të dhënat e zymta ekonomike nga blerësi kryesor i naftës së papërpunuar Kina rikthyen frikën për një recesion global. Kontratat e së ardhmes së naftës së papërpunuar Brent ranë 1,21 dollarë, në 93,89 dollarë për fuçi, ndërsa kontratat e së ardhmes së naftës së papërpunuar të Teksasit Perëndimor ranë 84 cent, në 88.57 dollarë për fuçi.

Banka Qendrore e Kinës uli normat e huadhënies për të ringjallur kërkesën, pasi ekonomia e vendit u ngadalësua papritur në korrik, me aktivitetin e fabrikave dhe shitjes me pakicë të ndrydhur nga politika e Pekinit për zero-COVID dhe një krizë në sektorin imobiliar.

Investitorët ndoqën gjithashtu bisedimet për të ringjallur marrëveshjen bërthamore të Iranit të vitit 2015. Më shumë naftë mund të hyjë në treg nëse Irani dhe Shtetet e Bashkuara pranojnë një ofertë nga Bashkimi Evropian, i cili do të hiqte sanksionet ndaj eksporteve iraniane të naftës, thanë analistët.

Irani iu përgjigj draft tekstit “përfundimtar” të Bashkimit Evropian për të shpëtuar një marrëveshje bërthamore të vitit 2015 të hënën, tha një zyrtar i BE-së, por nuk dha detaje mbi përgjigjen e Iranit ndaj tekstit. Ministri i Jashtëm iranian u bëri thirrje Shteteve të Bashkuara të tregojnë fleksibilitet për të zgjidhur tre çështjet e mbetura.

Në Shtetet e Bashkuara, prodhimi në zonat kryesore të naftës së argjilës do të rritet në 9.049 milionë fuçi në ditë në shtator, më i larti që nga marsi 2020, deklaroi Administrata e Informacionit të Energjisë së SHBA.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.