Ndryshimet në taksa “kalojnë” tek Ekonomia – Preket akciza, lehtësohet importi në blegtori dhe bletari

Ndryshimet që parashikon paketa fiskale gjatë vitit të ardhshëm janë miratuar në Komisioni Parlamentar të Ekonomisë.

Kufizimi i rritjes së akcizës, duke vendosur një tavan prej 1.5 % për mallrat e akcizës si kafeja, pijet alkoolike dhe karburanti, është ndër ndryshimet më të rëndësishme që do të shmangë një shpërthim të ri të rritjes së çmimeve për këto produkte, pasi ligji parashikon që akciza të indeksohet me nivelin e inflacionit të dy viteve të mëparshme, i cili për 2022-2023 ka prekur shifra rekord.

Ndërsa për akcizën e duhanit nuk ka ansjë propozim, pasi rritja bëhet progresivisht sipas një kalendari të miratuar deri në vitin 2026.

Ndërsa ndryshime lehtësuese janë bërë edhe për sektorin e blegtorisë dhe bletarisë, sa i takon TVSH-së në import.

Ndërkohë, Nga 1 janari 2024, subjektet që nuk paguajnë në kohë këstet e tatim fitimit korporativ dhe tatimit mbi të ardhurat personale do të përballen me penalitete më të rënda nga sa janë aktualisht. Ministria e Financave ka ndryshuar formulën e llogaritjes së penaliteteve për këto kategori përmes disa ndërhyrjeve në ligjin e procedurave tatimore të vitit 2008.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.