Në cilin vend dhe pse u rritën shitjet e Ferrarit? – Dyfishim porosish në katër vitet e fundit në Tajvan

Shitjet e Ferrarit në Tajvan janë dyfishuar në katër vitet e fundit, të nxitura nga pasuria në rritje e sipërmarrësve të çipave të vendit dhe kthimi i kapitalit ndërsa zinxhirët globalë të furnizimit diversifikohen nga Kina.

Shefi ekzekutiv i Ferrarit, tha se kërkesa në Tajvan po rritet më shpejt se në Kinë apo Hong Kong për shkak të rritjes së shitjeve të supermakinave për qytetarët gjithnjë e më të pasur të vendit. Ai theksoi se po fitohen shumë klientë të rinj gjatë katër viteve të fundit, duke shtuar se Kina po rritet, por më pak se Tajvani. Në Tajvan ka shumë njerëz që bëjnë shumë para.

Ferrari muajin e kaluar raportoi fitime vjetore rekord, të nxitura nga klientët që paguajnë për aksesorë dhe shërbime të personalizuara. Edhe pse shumica e shitjeve bëhen në Europë dhe SHBA, prodhuesi i automjeteve tha se dërgesat në Kinën kontinentale dhe Tajvan u rritën nga 5 % e totalit në 2020 -ën në gati 11 %.

Ferrari po përfiton nga rritja e pasurisë private që e ka bërë ishullin vendin e pestë më të pasur në botë, me 141.600 euro për frymë. Rritja e të pasurve është pjesërisht për shkak të një industrie të gjysmëpërçuesve në lulëzim, një sektor i dominuar nga Tajvani.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.