Ngadalësimi ekonomik dhe Dollari i fortë – Faktorët kryesorë që ndikuan në uljen e çmimit të naftës në bursa

Çmimet e naftës ranë të hënën, duke i dhënë fund tre ditëve të fitimeve, pasi investitorët ishin të shqetësuar se rritjet agresive të normave të interesit të SHBA-së do të dobësonin ekonominë globale dhe do të ulnin kërkesën për karburant, ndërsa një forcimi i dollarit gjithashtu shtoi presionin.

Kontratat e së ardhmes së naftës së papërpunuar Brent për dërgesat e tetorit ranë 1,20 dollarë, në 95,52 dollarë për fuçi, ndërsa nafta e papërpunuar e Teksasit Perëndimor  për dërgesat e shtatorit, ranë 1.24 dollarë, në 89.53 dollarë për fuçi.

Në tregjet financiare, indeksi i dollarit u rrit në nivelin më të lartë pesë-javor dhe një dollar më i fortë e bën naftën më të shtrenjtë për blerësit në monedha të tjera.

Investitorët do t’i kushtojnë vëmendje komenteve të kryetarit të Fed-it, Jerome Powell, kur ai do t’i drejtohet një konference vjetore globale të bankave qendrore në Jackson Hole, Wyoming, të premten. Fed shihet se ka më shumë hapësirë ​​për të rritur normat bazë të interest krahasuar me bankat qendrore të ekonomive të tjera të mëdha që janë më të brishta.

Çmimet e naftës së papërpunuar ranë gjithashtu për shkak të shqetësimeve për ngadalësimin e kërkesës për karburant në Kinë, importuesja më e madhe në botë, për shkak të krizës së energjisë në jugperëndim të shkaktuar nga një valë të nxehti.

Provinca jugperëndimore e Kinës, Sichuan, do të zgjasë kufizimet për konsumatorët e energjisë industriale deri më 25 gusht, ndërsa përpiqet të përballet me uljen e prodhimit të energjisë nga hidrocentralet dhe rritjen e kërkesës për energji elektrike nga konsumatorët familjarë pas një vale të gjatë të nxehti.

Në shenjë shqetësimi të përgjithshëm për ekonominë kineze, Pekini uli normën e tij standarde të huadhënies dhe referencën e hipotekës me një diferencë më të madhe, duke shtuar masat lehtësuese të javës së kaluar, për të ringjallur një ekonomi të rrënuar nga një krizë pronash dhe një rigjallërim i rasteve me COVID-19.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.