Një parajsë turistike për skiatorët – Mikpritja e japonezëve e bën atë unike në botë

Fshati Hakuba në Alpet japoneze lë pak njerëz indiferentë. Ndër të tjera ai renditej edhe në listën e fshatrave më të bukur turistikë në botë për vitin 2023 nga revista prestigjioze BBC. Hakuba gjendet rreth 270 km në veri të Tokios.

Ajo që e bën të veçantë këtë perlë turistike është mikpritja e vendasve, si dhe natyra e bukur. Nëse ndodh që në hotelet në zonë të mos ketë më vende, turistëve iu kërkohet ndjesë dhe iu sigurohet një akomodom i përkohshëm duke shtruar një shtrat tipik japonez në korridor. Gjithnjë nëse nuk ka asnjë zgjidhje tjetër alternative.

Politika e tyre është që askush të mos largohet. Të gjithë janë të mirëpritur.

Kjo traditë e mikpritjes ndoshta është zhvilluar edhe për arsye praktike – kur bie borë, ndonjëherë duke bllokuar rrugët, njerëzit nuk mund të largohen nga vendi, edhe nëse dëshirojnë. Një parajsë për skiatorët dhe snoëboarders, Hakuba është e rrethuar nga 10 vendpushime të ndryshme skish dhe priti shumë ngjarje në Lojërat Olimpike Dimërore të Nagano 1998. Edhe në pranverë, kur lulëzojnë qershitë, në male ka ende borë të mjaftueshme për ski.

Edhe pse është më e njohur për dimrat e saj, Hakuba është e bukur gjatë gjithë vitit falë njerëzve të saj miqësorë, maleve, livadheve dhe burimeve të nxehta.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.