Njohja e pensioneve me Italinë, Rama: Jemi në pikëmbërritje – Tajani: Raporte të shkëlqyera mes dy vendeve, bashkëpunim në infrastrukturë, energji e bujqësi

Pas takimit të Komitetit të Përbashkët për Investimet, Kreyministri i Shqipërisë Edi Rama, ka dhënë një konferencë të përbashkët për shtyp me zv.kryeministrin italian Antonio Tajani. Rama tha se marrëveshja për pensionet është drejt pikëmbërritjes

Pas takimit të Komitetit të Përbashkët për Investimet, Kreyministri i Shqipërisë Edi Rama, në një konferencë të përbashkët për shtyp me zv.kryeministrin italian Antonio Tajani, tha se tashmë marrëveshja për njohjen e ndërsjelltë të pensioneve është drejt pikëmbërritjes. Rama tha se tashmë ka marrë premtimin solemn nga Qeveria italiane se marrëceshja është drejt përfundimit.

Zëvendësmkryeministri i Italisë Antonio Tajani tha se bashkëpunimi ekonomik mes dy vendeve do të shtrihet në tre linja kryesore, infrastrukturë, energji e sektori agroushqimor.

Në fund të Konferencës për shtyp Rama është ndalur edhe te vendimi për të mos ju bashkuar Deklaratës së BE për dialogun Kosovë-Serbi. Sipas Ramës deklarata nuk mban parasysh ngjarjet e fundit, si dhe vendimin për të shpallur ditë zie kombëtare vdekjen e tre agresorëve serbë në territorin kosovar.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.