Objektet pa leje të Konfiskuara, Ministria: Mbrohen blerësit – Përfaqësuesja e Kryeministrisë: Deri tani 25 pallate, 9 kanë bërë kërkesë për parablerje
Ministria e Financave ka paraqitur në Kuvend, projektligjin “Për administrimin e objekteve të konfiskuara si ndërtime pa leje, me qëllim përdorimin e tyre për interes publik apo strehim social, si dhe zbutjen e pasojave sociale te shkaktuara”.
Zëvendësministri i Financave Endrit Yzeiraj tha se drafti rregullon boshllëqet ligjore për mënyrën si do procedohen me këto objekte, duke nënvizuar se ai mbron edhe pronarët e tokës apo blerësit me klering.
Përfaqësuesja e Kryeministrisë Elira Kokona tha se deri tani janë konfiskuar 25 pallate, 4 prej të cilëve tërësisht pa leje.
Një pjesë e mirë e ndërtimeve pa leje apo në shkelje të lejes, parashikohet të përfshihen në skemat e strehimit social.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.