OPEC+ redukton prodhimin në korrik – Arsyeja, çmimet e larta të naftës dhe teprica e ofertës

Arabia Saudite do të bëjë reduktime të forta të prodhimit në korrik, si pjesë e një marrëveshjeje të OPEC+ për kufizimin e prodhimit, pasi grupi përballet me çmime të larta të naftës dhe një tepricë të ofertës.

Ministri saudit i Energjisë, Princi Abdulaziz tha se ulja prej 1 milion fuçi në ditë nga Riadi mund të zgjatet përtej korrikut nëse do të jetë e nevojshme.

OPEC+, i cili grupon Organizatën e Vendeve Eksportuese të Naftës dhe aleatët e udhëhequr nga Rusia, arriti një marrëveshje për politikën e prodhimit pas shtatë orësh bisedimesh dhe vendosi të reduktojë objektivat e prodhimit të përgjithshëm nga viti 2024 me një total të mëtejshëm prej 1.4 milionë fuçi në ditë.

Që kur pushtimi rus i Ukrainës filloi në shkurt të vitit të kaluar, vendet perëndimore kanë akuzuar OPEC-un për manipulimin e çmimeve të naftës dhe minimin e ekonomisë globale përmes kostove të larta të energjisë. Perëndimi gjithashtu ka akuzuar OPEC-un se është në anën e Rusisë.

Zëra të brendshëm të OPEC kanë thënë se printimi i parave nga Perëndimi gjatë dekadës së fundit ka nxitur inflacionin dhe ka detyruar vendet prodhuese të naftës të veprojnë për të ruajtur vlerën e eksportit të tyre kryesor.

Analistët thanë se vendimi i OPEC+ dërgoi një sinjal të qartë se grupi ishte i gatshëm të mbështeste çmimet dhe të përpiqej të pengonte spekulatorët.

Përveç zgjatjes së shkurtimeve ekzistuese të OPEC+ prej 3.66 milionë fuçi në ditë, grupi gjithashtu ra dakord të reduktojë objektivat e prodhimit të përgjithshëm nga janari 2024 me 1.4 milionë fuçi të tjera në ditë kundrejt objektivave aktualë në një total prej 40.46 milionë fuçi në ditë.

Megjithatë, shumë nga këto reduktime nuk do të jenë reale pasi grupi uli objektivat për Rusinë, Nigerinë dhe Angolën për t’i sjellë ato në përputhje me nivelet e tyre aktuale të prodhimit. Në të kundërt, Emiratet e Bashkuara Arabe u lejuan të rrisin prodhimin.

OPEC+ pompon rreth 40% të naftës së papërpunuar në botë, që do të thotë se vendimet e tij politike mund të kenë një ndikim të madh në çmimet e naftës. OPEC+ aktualisht zbaton një ulje prej 2 milionë fuçi në ditë të rënë dakord vitin e kaluar dhe që arrin në 2 % të kërkesës globale.

Në prill, u ra dakord gjithashtu për një reduktim vullnetar të papritur prej 1.6 milionë fuçi në ditë që hyri në fuqi në maj deri në fund të 2023 – shit.

Arabia Saudite tha se do të zgjasë pjesën e saj të reduktimeve vullnetare prej 0.5 milionë fuçi në ditë deri në vitin 2024. Nuk ishte e qartë nëse ulja e korrikut prej 1 milionë fuçi ishte mbi 500 mijë fuçi në ditë, apo kjo e fundit do të përfshihej në reduktimin e korrikut.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.