Paralajmërimi i Musk: X mund të dështojë! – Platforma sociale përballet me largimin masiv të reklamave
Nuk ka kaluar as dhe një muaj që kur X mori vendin e Twitter. Por kaq ka mjaftuar që eksperimenti social i Elon Musk të arrijë në fund të procesit. Vetë pronari i Tesla konfirmoi këtë shqetësim, me një mesazh të qartë: E vërteta e trishtë është se nuk ka platforma të mëdha sociale në këtë moment. Mund të falimentojmë, ashtu si kanë parashikuar shumë njerëz, por do të bëjmë më të mirën që të paktën të mbetet një e tillë në qarkullim.
Orët e fundit, një problem teknik i platformës bëri që nga faqja të hiqeshin pamje dhe lidhje për postimet e reklamave të publikuara para dhjetorit 2014. Postimet tregonin lidhje të shkëputura në vend të pamjeve dh etë videove të pranishme më parë.
Disa përdorues u shprehën se problemi teknik ishte shkaktuar nga një përpjekje për të kursyer mbi kostot e arkivimit të të dhënave; ndërsa të tjerë fajësuan modifikimet e bëra në platformë në vitin 2016 kur u shtuan specifika të reja për shfaqjen e fotografive për faqet e internetit.
Problemi teknik ndodhi pas raportimeve javën e kaluar se X ngadalëson aksesin në faqet e tjera të mediave sociale, duke përfshirë platformat në pronësi të Meta-s, Facebook, Threads dhe Instagram. Gjithashtu vonon deri në pesë sekonda për lidhjet me disa ëebsite lajmesh si agjencia ‘New York Times’ dhe Reuters.
Elon Musk bleu Twitter në tetor 2022 për një shifër rekord prej 44 miliardë dollarësh. Që atëherë, nën menaxhimin e tij, rrjeti social i themeluar nga Jack Dorsey ka pësuar ndryshime pak a shumë të thella. Më e bujshmja është sigurisht ndryshimi i emrit të platformës, me lamtumirën me Twitter për t’i lënë vend X. Çështja është se në më pak se një vit, menaxhmenti i Musk duket se ka hequr shumicën e reklamuesve. Mark Zuckerberg përfitoi nga situata e krijuar duke lançuar një klon social të Twitter, të quajtur Threads. X sot do të kishte një vlerë komerciale prej rreth 20 miliardë dollarëve, sipas disa analistëve. Një shifër që do të dëshmonte për dështimin e operacionit të Musk. Në pritje për të parë nëse vetë X do të dështojë vërtet.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.