Pas Kroacisë, Mali i Zi do të heqë TVSH për panelet diellore – Vendimi vjen si një masë për ti dhënë zgjidhje krizës energjetike

Mali i Zi mund të ndjekë shembullin e Kroacisë dhe të heqë tatimin mbi vlerën e shtuar (TVSH) në panelet diellore, pasi qeveritë e rajonit e kuptojnë gjithnjë e më shumë rëndësinë e termocentraleve diellore në çatitë e familjeve dhe kompanive si një masë për t’u marrë me krizën energjetike.

Ministria e Zhvillimit Ekonomik dhe Turizmit të Malit të Zi njoftoi se po përgatit një sërë masash të reja për të zbutur presionin e krizës energjetike në muajt në vijim. Një nga masat që do t’i propozohet Aleksandar Damjanoviqit, ministrit të Financave, do të jetë heqja e TVSH-së për panelet diellore.

Sipas Goran Djuroviq, ministër i Zhvillimit Ekonomik dhe Turizmit, heqja e TVSH-së për energjinë diellore synon një kalim më të shpejtë drejt burimeve të rinovueshme të energjisë. Gjithashtu do të përmirësojë sigurinë e furnizimit në terma afatgjatë dhe do të ndihmojë qytetarët dhe bizneset në rast të ndërprerjeve të tregut dhe niveleve të ulëta të ujit në rezervuarët e hidrocentraleve.

Vlen të përmendet se qeveria kroate ishte e para në rajon që hoqi TVSH-në mbi panelet diellore për të shpejtuar tranzicionin e energjisë dhe për të siguruar furnizimin me energji elektrike. Në njoftimin e saj, Ministria e Malit të Zi kujton këtë lëvizje të fqinjëve të tyre.

Në Kroaci, TVSH-ja për panelet diellore ishte 25%, ndërsa në Mal të Zi, norma është 21%.

Ndërmarrja e energjisë Elektroprivreda Crne Gore (EPCG) ka lançuar programin Solari 3000+ për familjet dhe Solari 500+ për kompanitë për të përshpejtuar instalimin e termocentraleve diellore në çati dhe për t’u mundësuar konsumatorëve të prodhojnë energji për vetë-konsum duke u bërë konsumatorë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.