Pas SHBA, edhe BE e ka me Kinën? – Do analizohen kufizimet e teknologjisë amerikane në Kinë. Çështje e ndjeshme

Komisioni Europian do të analizojë vendimin e për të ndaluar investimet e reja amerikane në Kinë në teknologjitë e ndjeshme, pasi çështja është gjithashtu e rëndësishme për sigurinë ekonomike të Bashkimit Europian.

Presidenti i SHBA, Joe Biden, nënshkroi të mërkurën një urdhër ekzekutiv për të ndaluar, ose kufizuar investimet e SHBA në Kinë në tre sektorë: gjysmëpërçues dhe mikroelektronikë, teknologjitë kuantike të informacionit dhe sisteme të caktuara të inteligjencës artificiale.

Komisioni Europian, i cili në qershor prezantoi planin e tij të sigurisë ekonomike që përbëhet nga kontrolle më të forta mbi eksportet dhe daljet e teknologjive që mund të viheshin në përdorim ushtarak nga rivalë si Kina, tha se mori po studion vendimin e SHBA.

“Ne do të analizojmë nga afër Urdhrin Ekzekutiv. Jemi në kontakt të ngushtë me administratën e SHBA dhe presim bashkëpunimin e vazhdueshëm mbi këtë temë,” tha një zëdhënës i Komisionit. Sipas tij, BE dhe Shtetet Anëtare kanë gjithashtu një interes të përbashkët për të parandaluar që kapitali, ekspertiza dhe njohuritë e kompanive vendase të nxisin përparimet teknologjike që rrisin aftësitë ushtarake dhe inteligjente të aktorëve që mund t’i përdorin ato për të minuar paqen dhe sigurinë ndërkombëtare.

Komisioni pritet të hartojë një projekt për këtë temë deri në fund të vitit.

Një zëdhënës i ministrisë gjermane të Ekonomisë u shpreh se edhe Berlini do të përfshihet aktivisht në këtë proces. I dëmtuar nga prishja e lidhjeve ekonomike me Rusinë, Gjermania ka nisur të marrë masa për të adresuar investimet e huaja të rrezikshme.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.