Për çfarë ka nevojë turizmi të financohet? – Topuzi: Infrastruktura turistike duhet të përparojë me investime optimale

“Ministri I Financave dhe zv. Presidenti I Bankës Botërore nënshkruan një marrëveshje ku Banka Botërore do të financojë me 80 mln dollar projektin në mbështetje të turizmit të qëndrueshëm. Por sa e rëndësishme është kjo marrëveshje?”

Topuzi – Kreu I shoqatës së hoteleri-turizmit: “Është një nga problemet kryesore që kanë dalë gjatë 10 viteve të fundit. Problemi kryesorështë derdhja e ujërave të ndotura në ujërat larës, dete apo lumenj, dhe infrastruktura rrugore që kjo nuk I është përgjigjur në kohë. Financimi është një moment të rëndësishëm ku Shqipëria ka nevvojë për përmirësimin e ujërave që derdhen në det.”

Por çfarë ka nevojë më shumë turizmi për të investuar në të?

“Fokusi kryesor është përmirësimi I infrastrukturës në përgjithësi, jo vetëm infrastruktura rrugore, por ecja me rritme të shpejta të turizmit në botë dhe në Shqipëri e ka lënë mbrapa këtë sektor. Janë disa akse të rëndësishme që duhet përmirësuar”, tha ai.

Ndërkohë zëvendëskryeministrja Belinda Balluku bashkë me inspektorët e Task Forcës, së fundmi kanë inspektuar zonën e Dhërmiut për zbatimin e aktit normativ për trajtimin e ujërave të ndotur nga subjektet hoteliere që operojnë përgjatë bregdetit. Në zonën e Dhërmiut janë 190 subjektet që preken nga ky akt normativ, i cili ka në fokus, përmirësimin e cilësisë së shërbimit.

Diamila Leka/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.