Policia, operacione ndaj dyqaneve për kontrabandë/ Bllokohen 5 në Durrës, sekuestrohen 2 kilogram flori

Policia e Shtetit vijon serinë e operacioneve ndaj subjekteve tregtare për të evidentuar kontrabandën. Referuar njoftimit zyrtar, Policia po ushtron kontrolle të pandërprera në çdo subjekt tregtar për të goditur paligjshmëritë në fushën e krimit ekonomik.

Në Durrës, është finalizuar plani operacional i koduar “Five”, i zhvilluar nga Sektori për Hetimin e Krimeve Ekonomiko-Financiare të DVP Durrës.

Sipas policisë, janë evidentuar dhe goditur 5 raste të tregtimit të mallrave të kontrabanduara dhe janë proceduar penalisht pronarët e dyqaneve.

Po ashtu, janë sekuestruar rreth 2 kg flori, veshje të ndryshme dhe pajisje elektrike, të dyshuara të kontrabanduara.

Lexo edhe:

Fushatë anti-evazion në Shqipëri. Goditet kontrabanda e naftës me bidona! Bllokohen dyqane që shisnin veshje e telefonë kontrabandë. Në sitë dyqane fizike dhe online

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.