Procedura konkurruese për “minierat e reja” – Plani 2022/ Leje shfrytëzimi për 36 zona minerare, 10 për kërkim-zbulim

46 zona minerare do të nxirren për konkurrim gjatë vitit 2022. Ministria e Infrastrukturës dhe Energjisë ka miratuar planin vjetor për vendburimet ku do të jepen lejet minerare, ndërkohë që referuar dokumentit të publikuar në Fletoren Zyrtare 36 prej tyre do të jenë për shfrytëzim dhe 10 të tjera për kërkim – zbulim.

Guri gëlqeror dhe guri dekorativ janë 2 mineralet për të cilat do të zhvillohet numri më i madh i procedurave konkurruese për shfytëzim, ndërkohë që për nxjerrjen e kromit plani parashikon dhënien e 2 lejeve, një prej të cilave ndodhet në Kukës dhe tjetra në Dibër. Po ashtu, 3 prej zonave minerare që do të nxirren për shfrytëzim janë për mineralin e bakrit. Ndërkaq, sa i takon procedurave konkurruse për kërkim – zbulim, 7 prej përfshijnë mineralin e kromit, 2 zona litiumin dhe zonë konglomeratet sulfur-mbajtës.

Sipas dokumentit të miratuar të gjitha zonat do të kalojnë në procedure konkurruese, dhe asnjë prej tyre nuk do të cilat jetë zonë e hapur. Forma e marrjes së lejes minerare ka rëndësi të veçantë në drejtim të tansferimit të saj.

Kjo pasi, sipas ndryshimeve të fundit ligjore lejet minerare që janë dhënë me procedura konkurruese do të mund të transferohen pas një periudhe 5-vjeçare nga data e dhënies së lejes, ndërkohë që për lejet e tjera, nuk nevojitet kalimi i një periudhe të caktuar.

Plani vjetor për zhvillimin e sketorit minerar vjen pas atij 3-vjeçar të miratuar pak kohë më parë në qeveri.  Sipas dokumentit që orienton zhvillimin e sektorit për periudhën 2022-2024 parashikohet hapja e procedurave konkurruese apo zhvillimi i proceduarve të hapura për 62 zona minerare.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.