Prodhimi i baterive/ Gjermania është lideri i ri në Bashkimin Europian

Bateria është pjesa përbërëse më e rëndësishme i automjeteve elektrike. Një studim i ri tregon se në asnjë vend  tjetër të Europës nuk do të prodhohen aq shumë bateri sa në Gjermani. Në botën e re të automjeteve të cilat do të jenë elektrike, Gjermania ka shumë mundësi të mira të fitojë rolin e liderit të paktën në Europë.

Këtë e konfirmon qartë një analizë e Institutit Fraunhofer për kërkime në sisteme dhe inovacione me bazë në Karlsruhe, e komisionuar nga Ministria federale e Arsimit dhe Kërkimeve.

Qelizat e baterive konsiderohen si një komponent kyç për automjetet elektrike, duke përbërë rreth 40% të vlerës totale të shtuar në prodhimin e automjeteve elektrike.

Sipas Institutit Fraunhofer, Gjermania do të bëhet vendi kryesor i prodhimit në Europë eropian për këta komponentë të rëndësishëm, përpara Britanisë së Madhe dhe Francës. Për shkak të objektivave për mbrojtjen e klimës në BE dhe rritjes së madhe të shitjeve të automjeteve elektrike, një valë investimesh në fabrikat e reja të qelizave të baterive pritet në vitet e ardhshme.

Ekspertët nga Instituti Fraunhofer vlerësojnë se kapaciteti vjetor i prodhimit në Gjermani në fund të dekadës do të jetë pak më pak se 400 gigavat orë, që është matematikisht ekuivalente me bateritë e rreth 6.5 milionë makinave elektrike. Deri më tani, prodhuesit europianë të automjeteve iu është dashur të importojnë shumicën e baterive nga Azia. Në Gjermani, Grupi Volkswagen tashmë ka filluar ndërtimin e fabrikave të qelizave të baterive në Salzgitter.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.