Inflacioni në Turqi arrin në 78% – Banka Qendrore nuk pranon të rrisë normat e interesit

Një lëvizje në kundërshtim me ato të bankave të tjera qendrore, Turqia nuk pranon të ulë normat e interesit pavarësisht inflacionit të lartë të regjistruar në vend. Presidenti Erdoan vijon të jetë i bindur se janë normat e ulëta ato që e frenojnë inflacionin, një strategji që e bën Turqinë vendin me normat reale më negative në botë

Pavarësisht se cmimet e larta e kanë cuar inflacionin në nivelin e 78.6% në muajin qershor, banka qendrore turke vijon me strategjinë për të lënë të pamdryshueshme normat e interesit.

Një strategji e parashikuar nga analistët, pasi ka ndjekur të njëjtat lëvizje për shtatë muaj rradhazi tashmë, me besimin  se masat e saj do të jenë të mjaftueshme për të rikthyer një rënie të mprehtë të lirës turke dhe për të frenuar rritjen e çmimeve.

Vlera e lirës turke ra shumë shpejt kundrejt dollarit pas konfirmit të rradhës se nuk do të ketë rritje të normave të interesit. Ajo ka humbur tashmë një të katërtën e vlerës së saj që nga fillimi i vitit. Rruga e ndjekur nga Turqia shkon në drejtim të kundërt me prirjen globale të bankave të tjera qendrore për të rritur normat e interesit për të luftuar inflacionin.

Rritja e normave nuk është në rendin e ditës kryesisht për shkak të presidentit Rexhep Erdoan. Për këtë arsye ai ka shkarkuar tre guvernatorë në katër vitet e fundit për mosrespektim të kësaj linje. Megjithatë, përpjekjet e Erdoanit kanë bërë pak deri tani për të ‘qetësuar’ huadhënien.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.