Projektoi pronën madhështorë të njohur si “pallati i Putinit” – Policia italiane sekuestron 141 milion euro pasuritë e arkitektit të lidhur me Rusinë

Policia tatimore e Italisë ka sekuestruar asete me vlerë mbi 141 milionë euro (144 milionë dollarë) nga një arkitekt që projektoi një pronë luksoze në Detin e Zi, e cila është quajtur “pallati i Putinit” nga kundërshtarët e presidentit rus.

Policia tatimore dërgoi një deklaratë më herët duke thënë se kishte sekuestruar pasuritë nga një “profesionist i njohur” në Brescia, një qytet në Italinë veriore, duke përmendur shkeljet e dyshuara tatimore.

Dy burime i thanë Reuters se asetet i përkisnin Lanfranco Cirillos, i cili projektoi një pronë madhështore në Detin e Zi në Rusi që u bë e njohur si “pallati i Putinit” për shkak të pretendimeve të një biznesmeni se prona ishte ndërtuar për presidentin rus Vladimir Putin.

Një avokat i Cirillo konfirmoi se asetet e klientit të tij ishin sekuestruar, por tha se ai nuk ishte fajtor për ndonjë keqbërje në lidhje me taksat italiane, duke shtuar se ai ishte vendosur në Rusi për shumë vite dhe kishte marrë nënshtetësinë ruse në 2014.

“Arkitekti, i cili ndodhet në Moskë, është shumë i zhgënjyer nga fakti se pasi ka blerë disa prona prestigjioze dhe vepra arti në Itali, si dhe sigurimi i jetesës për gruan dhe vajzën e tij janë përdorur për të argumentuar se ai falsifikoi lëvizjen e tij jashtë vendit”, tha avokati Stefano Lojacono në një deklaratë.

Një helikopter, prona luksoze, para, bizhuteri dhe vepra të rëndësishme arti ishin midis sendeve të sekuestruara, sipas policisë tatimore në Brescia.

Presidenti Putin ka mohuar çdo lidhje me pronën luksoze në Detin e Zi. Çështja u shfaq përsëri në fillim të vitit 2021 kur kritiku i burgosur i Kremlinit Alexei Navalny postoi një video në internet duke pretenduar se Putin ishte pronari i tij përfundimtar.

Në një intervistë me televizionin italian në prill, Cirillo tha se ai kishte projektuar ndërtesën, por se ajo ishte porositur nga një grup privat dhe ai nuk kishte pasur marrëdhënie me Putinin.

“Është çmenduri të mendosh se presidenti i një vendi kaq të rëndësishëm do të duhej të ndërtonte një pallat për vete”, tha Cirillo në intervistën për La7 të Italisë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.