Pse po rritet papunësia tek të rinjtë? – Civici: Pagat dhe cilësia e vendeve të punës po dekurajon këtë grupmoshë
Papunësia tek të rinjtë e grupmoshës 15-29 vjeç, të cilët kanë edhe potencialin më të lartë, regjistrohet në nivelin 22 për qind në tremujorin e tretë të vitit, duke ndjekur trajektore rritëse krahasuar me vitin 2021- 2022. Por cilat janë shkaqet që “përjashtojnë” të rinjtë nga tregu i punës?
Në një intervistë për SCAN, eksperti i ekonomisë, Adrian Civici, shprehet se në kushtet kur biznesi po vuan për fuqi punëtore, situata duhej të ishte tërësisht ndryshe. Sipas tij një ndër shkaqet kryesore është mungesa e vendeve cilësore të punës.
Nga ana tjetër, një faktor thelbësor është ajo që konsiderohet papunësi vullnetare për shkak se pagat nuk janë joshëse për këtë grupmoshë.
Të dhënat e INSTAT tregojnë se ndër të rinjtë e moshës 15-29 vjeç ekonomikisht jo-aktivë, 2,5 % klasifikohen si të papunë të dekurajuar.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.