Pse stoqet e ushqimeve të gatshme ‘junk food’ po rriten?!

Njerëzit janë të stresuar dhe të rraskapitur. Dy vitet e gjysmë që kaluan, plot kriza të shëndetit publik, recesion dhe inflacion, lufta, netët janë pa gjumë dhe ditët pa pushim, dhe ne kemi nevojë për një nxitje shtesë për të na mbajtur përpara.

Kjo mund të ndihmojë për të shpjeguar pse investitorët janë të nxitur për karamele, pije me gaz dhe patatina. Aksionet e Hershey (HSY) janë rritur me 19% këtë vit. Coke (KO) është rritur gati 10%. Pepsi (PEP) është rritur me 4%. (Kujtim: tregu i përgjithshëm është ulur 10%). Inflacioni i ka peshuar pak edhe tek shitjet me pakicë, por njerëzit po vazhdojnë të konsumojnë si pijet ashtu edhe ushqime të ashtuquajtura ‘junk’.

Ky është një lajm i mirë jo vetëm për gjigantët në industrinë e mallrave të konsumit, por edhe për lojtarët më pak të njohur. Konsideroni Celsius Holdings (CELH), pijet energjike të së cilës janë kudo këto ditë. Në fillim të këtij muaji, Celsius njoftoi se PepsiCo do të bënte një investim prej 550 milionë dollarësh në prodhuesin e pijeve energjike dhe do të bëhej partneri i saj i preferuar i shpërndarjes.

Oreksi për pije energjike po rritet. Është fitimprurëse dhe kompanitë e mëdha të pijeve joalkoolike duan të jenë në të dhe një nga mënyrat që ata e kanë bërë këtë është përmes këtyre partneriteteve.

Portofoli i Pepsit përfshin gjithashtu Rockstar dhe Mountain Dew Rise. Por Coke, e cila është partnere me Monster Energy, aktualisht është më e pozicionuar në sektorin e pijeve energjetike sesa Pepsi, thotë Nik Modi, analist i pijeve në RBC Capital Markets.

Celsius është aktualisht pija e pestë energjike më e popullarizuar në treg, pas Monster (MNST), Red Bull, Bang Energy Drink dhe Rockstar, por Stanford thotë se Pepsi po vë bast se do të zgjerohet shpejt dhe do të fitojë pjesën e tregut.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.