Punonjësit e Apple, kundër kthimit në zyra – Nis nënshkrimi i peticionit. Më produktivë duke punuar jashtë skemave tradicionale

Punonjësit e Apple janë kundër kthimit në zyrë duke filluar nga muaji i ardhshëm, siç kërkohet nga drejtuesit e kompanisë me bazë në Cupertino. Ata besojnë se kanë treguar “performancë të jashtëzakonshme” gjatë dy viteve të punës fleksibël.

Një grup punonjësish, nën emrin Apple Together, kanë filluar të qarkullojnë një peticion brenda kompanisë duke kërkuar më shumë fleksibilitet në punë sesa tre ditët e javës në zyrë të kërkuara nga administrator I përgjithshëm, Tim Cook duke filluar nga shtatori. Peticioni, vë në dukje se sa punonjës janë “më të lumtur dhe më produktivë” duke punuar jashtë skemave tradicionale.

Detyrimi për t’u rikthyer në zyrë, thuhet në peticion, “nuk merr parasysh kërkesat e veçanta të çdo pozicioni dhe as diversitetin e individëve. Ata që kërkojnë marrëveshje më fleksibël kanë shumë arsye dhe rrethana bindëse: paaftësi, ndihmë familjare, shqetësime për shëndetin dhe mjedisin, konsiderata financiare dhe madje thjesht të qenit më të lumtur dhe më produktiv”.

Sipas urdhërit të Tim Cook, duke filluar nga 5 shtatori i ardhshëm, punëtorët e Bay Area duhet të paraqiten në zyrë çdo të martë dhe të enjte dhe një ditë të tretë të përcaktuar nga ekipet individuale. Por si përgjigje ndaj këtij urdhëri erdhi peticioni i publikuar në internet nga Apple Toghether i cili e quan veten një “sindikatë globale solidariteti” i përbërë nga punëtorë nga e gjithë shoqëria e Cupertino.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.