Qeveria miraton hartën e re gjyqësore – Manja: Fazë tranzitore, do sjellë shpërndarjen e drejtë të çështjeve dhe ulë kostot për qytetarët
Pavarësisht protestave të avokatëve dhe bojkotit të seancave, Qeveria ka miratuar Hartën e re Gjyqësore sipas propozimit të KLGJ. Tashmë Shqipëria do të ketë 13 gjykata të shkallës së parë, 2 gjykatë administrative dhe 1 gjykatë apeli për të gjithë vendin.
Lajmi është bërë publik pas mbledhjes së Qeverisë nga Ministri i Drejtësisë Ulsi Manja, i cili tha se harta e re do të garantojë shpërndarjen e përshtatshme të dosjeve për gjyqtarët.
Aktualisht Shqipëria numëron 6 apele dhe dhe 22 gjykata të shkallës së parë, por shkarkimet e shumta nga procesi i Vetting-ut kanë sjellë për pasojë mungesa të forta gjyqtarësh në pjesën dërrmuese të tyre.
Aplikimi i hartës së re do nisë nga shkurti i vitit të ardhshëm.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.