Rënia e e-Albania “paralizoi” pronat – Zaloshnja: Nevojitet një sistem hibrid. Amnistia, efekte minimale
Mosfunksionimi i shërbimeve on line në platformën qeveritare e-Albania ka sjellë paralizë në sektorin e shit-blerjeve të pasurive të patundshme.
Në një intervistë për SCAN TV, eksperta e tregut imobiliar, Ilda Zaloshnja, shprehet se jo vetëm ky rast, por në tërësi ofrimi i shërbimeve vetëm përmes internetit, shkakton vonesa në kryerjen e transaksioneve.
Zaloshnja sugjeron që të funksionojnë disa sportele për raste të tilla dhe për ato raste kur individët nuk arrijnë të orientohen online.
E pyetur lidhur mbi efektin e amnistisë fiskale dhe penale mbi këtë sektor, Zaloshnja shprehet skeptike se formalizimi do të sjellë investime në prona të patundshme.
Ndërtimi konsiderohet si sektori kryesor ky investohen paratë e paformalizuara pasi mund të bëhen pagesa cash dhe gjurmueshmëria mungon.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.