Qyteti spanjoll me zonat më të gjelbra në Europë – Victoria, 50 metra katrorë sipërfaqe e gjelbër për banor
Qyteti me më shumë gjelbërim në Europë ndodhet në veri të Spanjës. Viktoria ofron 50 metra katrorë zonë të gjelbëruar për banor. Qyteti bask është shpallur kryeqyteti i gjelbër i Europës dhe ka një rrjet shtigjesh për bicikleta 180 kilometra të gjatë.
Asnjë nga banorët e Victoria, një qytet në Spanjën veriore, nuk është më shumë se disa minuta në këmbë nga hapësirat e gjelbra. Në këtë qytet ka deri në 50 metra katrorë sipërfaqe të gjelbër për banor, krahasuar me 31 në Londër dhe 17 në Barcelonë.
Ky qytet u shpall Kryeqyteti i Gjelbër i Europës nga Komisioni Europian në vitin 2012 dhe quhet edhe “anilo verde” (unaza e gjelbër), kryesisht për shkak të serisë prej 30 kilometrash të parqeve dhe shtigjeve të biçikletave që e rrethojnë. Njerëzit që udhëhoqën Vitoria në vitet ‘70 të shekullit të kaluar, kur shumë qytete të tjera europiane po ndërtonin gjithnjë e më shumë rrugë, morën një vendim mjaft radikal për të promovuar ecjen në qendër të qytetit, në kundërshtim me trendin aktual.
Ata krijuan gjithashtu rrjetin e parë të shtigjeve të biçikletave në Spanjë, i cili tani shtrihet në 180 kilometra dhe është një nga më të gjerat në vend. Planet për të krijuar unazën e gjelbër të lartpërmendur u diskutuan për herë të parë në vitet ‘80, dhe puna filloi në fillim të viteve ‘90, e cila përfshinte një projekt për mbjelljen e 250.000 pemëve.
Shumë pjesë të qytetit u mbyllën gradualisht për trafikun, gjë që rriti përqindjen e zonave të këmbësorëve në atë vend nga 31 në 71 përqind. Shumë banorë janë vërtet krenarë për këtë, por disa prej tyre pohojnë gjithashtu se procesi konsultativ duket më mirë në letër sesa në praktikë. Ndër të tjera, ata vënë në dukje frikën se me gjelbërimin vjen edhe gentrifikimi, i cili në zonat ku jeton klasa punëtore mund të çojë në shpërnguljen e banorëve origjinalë, pasi çmimet e pasurive të paluajtshme rriten.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.