Rekord aplikimesh për azil në Holandë – Eurostat: Rreth 30 mijë kërkesa janë ende pa përgjigje!

Numri i kërkesave për azil në Holandë është pothuajse aq i lartë sa gjatë krizës së refugjatëve të vitit 2015, sipas të dhënave të reja.

Shifrat nga Eurostat tregojnë se shërbimi holandez i emigracionit nuk i është përgjigjur ende pothuajse 30,000 azilkërkuesve.

Një total prej 29,460 kërkesash për azil në Shërbimin e Emigracionit dhe Natyralizimit (IND) janë në pritje, vuri në dukje Eurostat.

Kjo është vetëm 180 aplikime më pak se numri i prapambetur në vitin 2015, edhe pse numri i aplikimeve të reja në 2022 është shumë më i vogël.

Martijn van der Linden, një zëdhënës i Këshillit Holandez për Refugjatët, tha se ata ishin “shumë të shqetësuar” për ndikimin e numrit të pazgjidhur te refugjatët dhe azilkërkuesit.

“Në letër, Holanda ka një politikë azili ‘rrufe’, të kujdesshme dhe efikase që admirohet nga vendet e tjera europiane, por për shkak të mungesës së fondeve strukturore, IND-së iu desh të reduktonte kostot dhe të largonte stafin menjëherë pas krizës së refugjatëve në 2015”, tha van der Linden.

“Prandaj, në vitet e fundit azilkërkuesit duhej të prisnin gati dy vjet para se të fillonte procedura e tyre për azil, ndërsa duhet të kalonin disa javë. Që nga viti 2018, ne kemi paralajmëruar qeverinë holandeze se koha e pritjes është shumë e gjatë dhe se duhet të ndërmerren veprime. Fatkeqësisht, nuk ka ndryshuar shumë.”

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.