Rekord i ri arit, në mbi 2100 dollarë! – Analistët parashikojnë rritje të mëtejshme të tij

Çmimet e arit shënuan një rekord të ri të hënën për të dytën ditë radhazi – me çmimet e spotit që arritën në 2.100 dollarë ndërsa nxitimi global për shufra ari, ose argjendi duket se do të vazhdojë.

Çmimet e arit janë në rrugën e duhur për të arritur nivelet e reja të larta vitin e ardhshëm dhe mund të mbeten mbi nivelet e 2.000 dollarëve, thanë analistët, duke përmendur pasigurinë gjeopolitike, një dollar të mundshëm më të dobët amerikan dhe ulje të mundshme të normave të interesit.

Çmimet e metalit të verdhë janë rritur për dy muaj radhazi në një kohë që konflikti izraelito-palestinez vijon, duke rritur kërkesën për asetin e sigurt, ndërsa pritshmëritë për ulje të normave të interesit kanë dhënë mbështetje të mëtejshme. Ari tenton të performojë mirë gjatë periudhave të pasigurisë ekonomike dhe gjeopolitike për shkak të statusit të tij si një rezervë e besueshme e vlerës.

Sipas një sondazhi të fundit nga Këshilli Botëror i Arit, 24% e të gjitha bankave qendrore synojnë të rrisin rezervat e tyre të arit në 12 muajt e ardhshëm, pasi rriten parashikimet gjithnjë e më shumë pesimiste për dollarin amerikan si një aktiv rezervë. Kjo do të thotë kërkesë potencialisht më e lartë nga sektori zyrtar në vitet në vijim.

Normat më të ulëta të interesit priren të dobësojnë dollarin dhe një dollar më i butë e bën arin më të lirë për blerësit ndërkombëtarë, duke rritur kështu kërkesën.

FED filloi rrjedhën e saj të qëndrueshme të rritjes së normave në mars 2022, ndërsa inflacioni u ngjit në nivelin më të lartë në 40 vjet, duke zvogëluar tërheqjen e arit.

Normat më të larta të interesit dëmtojnë kërkesën për ar, e cila nuk paguan asnjë interes, pasi aktivet si obligacionet bëhen më fitimprurëse për shkak të yield-eve të tyre më të larta.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.