Rishpërndarja e fondeve – Ministrisë së Kulturës i shtohet fondi prej 60 milionë lekësh për promovimin e trashëgimisë kulturore gjatë sezonit turistik veror
Nëpërmjet një njoftimi të publikuar në Fletoren Zyrtare është bërë me dije se me propozimin e ministrit të Financave dhe Ekonomisë dhe të ministrit të Kulturës, Këshilli i Ministrave ka vendosur që në buxhetin e miratuar për vitin 2023 bëhet rishpërndarja e fondeve, si më poshtë:
Ministrisë së Kulturës, në programin “Arti dhe kultura”, në shpenzime korrente, i shtohet fondi prej 60 000 000 (gjashtëdhjetë milionë) lekësh, për promovimin e trashëgimisë kulturore nëpërmjet zhvillimit të aktiviteteve artistiko-kulturore përgjatë sezonit turistik veror 2023.
Shërbimit Informativ të Shtetit, në programin “Veprimtaria informative shtetërore”, në shpenzime korrente, i pakësohet fondi prej 60 000 000 (gjashtëdhjetë milionë) lekësh.
Ngarkohen Ministria e Financave dhe Ekonomisë, Ministria e Kulturës dhe Shërbimi Informativ i Shtetit për zbatimin e këtij vendimi. Ky vendim hyn në fuqi menjëherë dhe botohet në Fletoren Zyrtare.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.