Robotët hibridë me pjesë insektesh të gjalla!

Ideja, duhet thënë, është origjinale dhe përfaqëson një hap të vogël në integrimin midis formave të jetës biologjike dhe robotike: përdorimi i insekteve të gjalla në vend të terminaleve të gjymtyrëve robotike për të shfrytëzuar aftësitë e tyre biomekanike dhe për t’i shndërruar ato në kapëse.

Fakti është se një grup shkencëtarësh japonezë nga Universiteti Tohoku kanë vendosur të përdorin aftësitë “rrotulluese” të trilobiteve tokësore (Armadillidiidae) dhe forcën shtrënguese të kitoneve për të zëvendësuar terminalet paraprake të gjymtyrëve artificiale.

Por çfarë eksperimentesh u kryen? Në thelb, qëllimi parësor ishte ndërtimi i një krahu mekanik i cili kishte një tru autonom, të përfaqësuar nga kafsha e gjallë në rolin e “efektorit” përfundimtar të gjymtyrëve, e cila kishte lirinë të vendoste në mënyrë autonome nëse do të rrëmbejë apo jo copat e vatës.

Ky eksperiment lëviz brenda dy degëve të ndryshme të robotikës: biomimika, një fushë ndërdisiplinore që frymëzohet nga natyra për të krijuar zgjidhje novatore për problemet njerëzore (një shembull është eksperimentimi i zogjve taksidermik për të krijuar drone realiste) dhe biorobotika, një zonë në të cilën mekanizmat ndërveprojnë në mënyrë efektive me qeniet e gjalla (të tilla si, për shembull, buburrecat e pajisura me mikro-kamera për kërkimin e të mbijetuarve në rrënojat e një tërmeti ose, më afër rastit tonë, përdorimi i mjeteve për kapje duke manipuluar këmbët e merimangave të ngordhura ).

Studiuesit kanë nënvizuar sesi i gjithë hulumtimi është bazuar totalisht në respektimin e këtyre kafshëve, të cilat as nuk janë rrezikuar dhe as kanë pësuar dëmtime dhe në fund të testeve janë lëshuar në natyrë.

Dobia e një kërkimi të tillë mund të shpjegohet nga vetë studiuesit, të cilët pohojnë se kërkimi i frymëzimit në organizmat biotikë, kur flitet për robotikë, ka gjithmonë kuptim, duke qenë se gjatë miliona viteve kafshët kanë evoluar për të qenë më të mirët në atë që bëjnë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.