Rrezik pastrimi parash, BSH inspekton 70 zyra këmbimi valutor – Në total 583. U licencuan 56 të reja dhe iu revokua licenca 29 ekzistueseve

Megjithëse konsiderohet ndër sektorët me riskun më të lartë për pastrim parash, tregu i këmbimit valutor ka shënuar një bum të vërtetë gjatë vitit të shkuar. Janë hapur 56 zyra të reja duke e ccuar në total 583 numrin e tyre, megjithëse viti i shkuar shënon edhe rekord sa i përket revokimit të licencave. Nga të dhënat zyrtare të Bankës së Shqipërisë, rezultojnë se janë revokuar në total 29 licenca.

Ndërkohë shumë i lartë është edhe numri i kontrolleve ndaj tyre, nga Banka e Shqipërisë, e cila i konsideron si subjektet me rsikun më të lartë për pastrim parash, bashkë me institucionet financiare jobanka.

Gjatë vitit 2022 nga ana e Bankës së Shqipërisë janë kryer inspektime që mbulojnë fushën e parandalimit të pastrimit të parave dhe financimit të terrorizmit në 82 subjekte, të përbëra nga 5 banka, 5 subjekte financiare jobanka, 2 SHKK dhe 70 Zyra Këmbimi Valutor. Prej këtyre 70 rasteve, në 28 zyra Këmbimi Valutor është realizuar procesi i ndjekjes së zbatimit të rekomandimeve, si rrjedhojë e mangësive të konstatuara në inspektimet e mëparshme.

Numër të lartë inspektimesh në zyrat e këmbimit valutor ka ushtruar edhe Drejtoria e Përgjithëshme e Parandalimit të Pastrimit të Parave. Ajo ka kryer në vitin e shkuar 17 inspektime te këto subjekte, që kanë edhe detyrimin ligjor të raportojnë rastet e dyshimta. nga këto isnpektime janë marrë në shqyrtim 6 prej tyre dhe 3 prej subketeve janë dënuar me gjoba për një vlerë totale prej rreth 7 mijë dollarësh.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.