Rreziku i inflacionit në SHBA mund të konsolidohet – Banka qendrore amerikane rrit normat e interesit
Banka qendrore amerikane paralajmëroi se rreziku i inflacionit në Shtetet e Bahskuara të Amerikës mund të konsolidohet. Për këtë arsye në mbledhjen në fund të korrikut Rezerva Federale do të rrisë dhe më shumë normat e interesit
Rreziku i inflacionit në Shtetet e Bashkuara të Amerikës mund të konsolidohet. Ky është përfundimi i mbledhjes së fundit të rezervës federale, e cila mund të rrisë normat e interesit me 50 ose 75 pikë në mbledhjen e ardhshme në fund të korrikut.
Në mbledhjen e fundit në mes të qershorit, banka qendrore amerikane vendosi të rrisë normat e interesit me 0.75%. Ndërkohë që tashmë është e domosdoshme të ruhet ringritja e normave pasi parashikimet për inflacionin janë përkeqësuar. Rezerva federale mbetet e vendosur që të vijojë me manovrën e saj shtrënguese. Sipas bankierëve amerikanë perspektivat ekonomike justifikojnë politikat shtrënguese.
Inflacioni i lartë mbetet problemi kryesor i bankës qendrore amerikane, dhe situata sipas ekspertëve mund të përkeqësohet dhe më shumë nëse publiku do të nisë të dyshojë për vendosmërinë e komitetit të rezervës federake në përmirësimin e politikës monetare.
Një tjetër goditje është dhe minimumi i ri prej 20 vjetësh i euros përballë dollarit: monedha europiane ka përfunduar nën kuotën 1.02.
Së bashku me vende të tjera eurozona prej kohësh vuan pasojat e luftës në Ukrainë dhe sanksioneve ndaj Rusisë, që shkaktuan dhe shtrenjtimin e energjisë elektrike.
Banka qendrore europiane duhet të rrisë normat e interesit për herë të parë prej 11 vitesh në mbledhjen e këshillit drejtues në 11 korrik. Gjithësesi rezerva federale po lëviz më shpejtë dhe në mënyrë më agresive në rritjen e normave të interesit që në Shtetet e Bashkuara janë në nivelin 1.5%.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.