Johnson jep dorëheqjen si lider por jo si kryeministër – Kryeministri britanik do të qëndrojë në postin e tij deri në vjeshtë

Kryeministri i Britanisë së Madhe ka pranuar të japë dorëheqjen duke shtuar se do të qëndrojë në postin e tij deri në vjeshtë. Ndërsa deklaroi se nuk është më lider i konservatorëve. Ditët e fundit shumë ministra të tij janë larguar nga qeveria

Kryeministri i Britanisë së Madhe Boris Johnson ka dhënë dorëheqjen si lider i konservatorëve. Por ai do të qëndrojë në postin e tij si kreu i ekzekutivit deri në vjeshtë. Gjatë verës konservatorët do të zgjedhin pasardhësin e tij dhe brenda vjeshtës do të emërohet kryeministri i ri

Një vendim që u mor pasi një delegacion i bashkëpunëtorëve të tij më të ngushtë dhe ministri i ri i thesarit, Nad’him Zahaui, i kërkuan Johnson që të japë dorëheqjen pasi të enjten katër ministra të tjerë vendosën të largohen nga qeveria: ministri për Irlandën e veriut, ai për sigurinë, ai i shkencës dhe ministrja për thesarin.

Sipas BBC, fushata elektorale për të marrë vendin e Johnson ka nisur prej kohësh: letrat e dorëheqjes të dorëzuara nga anëtarët e qeverisë ditët e fundit, e vërtetojnë këtë. Rushi Sunak që dha dorëheqjen si ministër financash, theksoi ndryshime thelbësore në fushën e ekonomisë me kryeministrin Xhonson. Sajid Javid, që dha dorëheqjen si ministër i shëndetësisë, komentoi pengesta e shumta që kishte hasur. Por dhe ministri i ri i thesarit Zahaui, pranoi se afërsia e tij me Johnson mund të ndikojë në garën për liderin e ri të konservatorëve. Por BBC përmend dhe ish ministra të tjerë që synojnë postin

Ndërsa katër ministrat që u dorëhoqën të enjten publikuan vendimin e tyre në profilet përkatëse në Tuiter. Ndër të tjera ata shpreheshin se një qeveri dinjitoze dhe e përgjegjshme bazohet në ndershmëri, integritet dhe respekt reciprok. Dhe arsyeja e largimit ishte pikërisht sepse këto vlera nuk po respektoheshin më.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.