Ligji gjerman “prek” biznesin shqiptar – Kontrolli i detyrueshëm në zinxhirët e prodhimit, detyrime për nënkontraktorët
Ligji gjerman për kontrollin e detyrueshëm në zinxhirët e prodhimit do të ketë ndikim edhe mbi të drejtat e punëtorëve, kopmanitë shqiptare dhe mjedisin në vendin tonë.
Në forumin e organizuar nga fondacioni “Friedrich Ebert” në Tiranë u vu theksi se ky ligj krijon hapësira për rrugë të qëndrueshme zhvillimi, çka do të sillte dhe përmirësimin e pozicionit në zinxhirin e prodhimit për kompanitë vendase, që veprojnë si furnitore të drejtpërdrejta apo të tërthorta të kompanive gjermane.
Zv. Ambasadori gjerman në vendin tonë e vuri theksin te sfida në zbatimin e këtij ligji, parë në kontekstin e rëndësisë në rritje të Gjermanisë si partner tregtar me Shqipërinë.
Ligji “Për kontrollin e detyrueshëm në zinxhirët e prodhimit” ligji hyri në fuqi në datën 1 janar 2023, ndërsa iu kërkon kompanive të përpiqen të shmangin dhe minimizojnë rreziqet që u kanosen të drejtave të njeriut dhe mjedisit në zinxhirët e tyre të prodhimit.
Në mënyrë të veçantë ligji përmend ndalesat në lidhje me shkeljen e të drejtave të organizimit dhe kontraktimit kolektiv, skllavërinë dhe punën e detyrueshme, si dhe punën e fëmijëve dhe diskriminimin.
Ai përcakton detyrimin e kompanive për të ngritur një sistem efektiv të menaxhimit të rreziqeve në fushën e tyre të biznesit, çka mbulon kompaninë dhe degët e saj, përfshirë dhe degët ndërkombëtare që konsiderohen pjesë e vetë kompanisë.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.