Rriten ankesat ndaj Prokurimeve Publike – Në tre muaj janë shënuar 179 të tilla
Muaji mars ka rezultuar të jetë një nga muajt me më tepër ankesa në Prokurimet Publike. Të dhënat e Buletinit mujor raportojnë se 69 ankesa janë konstatuar përsa i përket procedurave të prokurimit publik, të cilat ndahen në 68 ankesa për procedura koncensioni dhe 1 ankesë për procedura ankandi.
Ndërkaq përsa i përket ankesave në fazë procesi për të cilën është paraqitur ankimi, raportohet sa më poshtë, 26 ankesa për Dokumentet Standarde të Tenderit e 43 të tjera për vlerësim ofertash.
Por, referuar buletinit sipas llojit të kontratës, ankesat janë adresuar 5 për punë publike, 42 për mall dhe 22 të tilla për shërbime. Por le të shohim hartën e shpërndarjes së ankesave sipas qyteteve.
Numrin më të lartë të ankesave raportohet të jenë nga qarku i Tiranës, duke arritur në 43 të tilla e vijuar me Durrësin dhe Korçën me 6 ankesa. Në qarkun e Vlorës raportohet të jenë 4 e ndërsa Elbasan 3 ankesa. Ndërsa në Lezhë dhe Shkodër janë përkatësisht nga 2 ankesa.
Sipas buletinit nga 1 ankesë është raportuar për qytetin e Dibrës, Fierit dhe Kukësit. Por dy qarqe rezultojnë të mos kenë asnjë ankesë, Gjirokastra dhe Berati.
Për t’ju rikthyer shifrave, në tre muajt e parë ndaj prokurimeve publike janë adresuar 179 ankesa në total.
Diamila Leka/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.