Rritet çmimi i naftës – Ekspertët: Nuk pritet rritje e menjëhershme e prodhimit të naftës saudite

Çmimet e naftës shënuan rritje të premten, pasi një zyrtar amerikan tha për agjencinë e lajmeve Reuters, se nuk pritet një rritje e menjëhershme e prodhimit të naftës saudite, pavarësisht treguesve se banka qendrore e Shteteve të Bashkuara të Amerikës mund të rrisë normat e interesit, në mënyrë më pak “agresive” se sa parashikohej

Vlera e naftës së papërpunuar Brent u rrit 76 cent, ose 0.77%, në 99.86 dollarë për fuçi ndërsa nafta e papërpunuar WTI u rrit 28 cent, ose 0.29%, në 96.06 dollarë.

Pasiguria e normës së interesit dhe të dhënat e dobëta ekonomike bënë që Brent dhe ËTI të humbasin më shumë se 5 dollarë të enjten, më pak se çmimi më 23 shkurt, një ditë para se Rusia të pushtonte Ukrainën.

Komentet e zyrtarëve amerikanë për prodhimin e naftës saudite vijnë në një kohë kur kapaciteti i anëtarëve të Organizatës së Vendeve Eksportuese të Naftës (OPEC) është në rënie, me shumicën e prodhuesve që prodhojnë me kapacitet maksimal.

Presidenti i Shteteve të Bashkuara të Amerikës Joe Biden, ndërkohë vizitoi Arabinë Saudite për të marrë pjesë në një samit të aleatëve të Gjirit duke bërë thirrje që rajoni të prodhojë më shumë naftë.

Analistët presin që të rritet presioni ndaj prodhimit të naftës për shkak të shqetësimeve për ekonominë globale. Prodhimi i naftës në Kinë u tkurr gati 10%  në muajin qershor në krahasim me një vit më parë, duke shënuar rënien më të madhe vjetore që nga viti 2011.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.