Rritja e çmimeve nuk frenon turistët – Agjencitë ndërkombëtare të udhëtimeve parashikojnë zgjerim të kërkesës

Bumi i udhëtimeve pas pandemisë dhe çmimet e larta të biletave nuk tregojnë shenja të ngadalësimit gjatë vitit të ardhshëm, pavarësisht pasigurisë ekonomike dhe pakësimit të kursimeve të familjeve. Ndërsa mbeten pyetjet rreth asaj se sa gjatë do të vazhdojnë të kënaqen konsumatorët, linjat ajrore, hotelet dhe analistët thonë se udhëtimi ka mbetur një përparësi kryesore.

Udhëtimi botëtore arriti rreth 90% të niveleve para pandemisë këtë vit, sipas Shoqatës Ndërkombëtare të Transportit Ajror. Rikthimi u drejtua nga vizitorët nga vende me klimë më të ftohtë për në Europën Jugore, pavarësisht nga temperaturat në rritje rekord.

Sondazhet e disa prej kompanive të udhëtimit tregojnë se, sipas 47% të të anketuarve udhëtimi ndërkombëtar ishte një kategori shpenzimesh me prioritet të lartë edhe për vitet 2023, 2024. Kampionet e sondazhit u morën nga udhëtarë britanikë, francezë, amerikanë, gjermanë dhe nga Singapori.

Këto tendenca rritën fitimet tremujore të kompanive të udhëtimit, me operatorët e lundrimit që raportuan rezultate rekord në javët e fundit. Operatorët e udhëtimit Booking Holdings dhe Airbnb thanë se të ardhurat u rritën përkatësisht 27% dhe 18%, ndërsa kompania ajrore Delta dhe gjigandi i hoteleve Marriott International parashikojnë kërkesë të fortë në të ardhmen.

Kompania ajrore gjermane, Lufthansa, tha se, rezervimet për pjesën tjetër të vitit aktualisht tejkalojnë 90% të nivelit para pandemisë dhe sezonin veror që shtrihet deri në tetor. United Airlines po zgjeron mbulimin e Paqësorit këtë vjeshtë me fluturime të reja në Manila, Hong Kong, Taipei dhe Tokio.

Në përgjithësi, kërkesa globale për pasagjerë vlerësohet të rritet me 22% në bazë vjetore në 2023 dhe 6% në 2024, tha shërbimi i investitorëve Moody’s. Çmimet e biletave, të cilat në disa raste janë rritur me përqindje dyshifrore që nga pandemia, nuk ka gjasa të bien.

Analistët e tregut shprehen se, udhëtarët në Europë dhe Azi nuk pritet të shohin lehtësim të konsiderueshëm të çmimeve këtë vjeshtë. Tarifat e kompanive ajrore për destinacione ndërkombëtare të largëta pritet të mbeten të larta, derisa oferta të tejkalojë nivelet para pandemisë, kërkesa të normalizohet dhe çmimet e karburantit të avionit të bien më tej.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.