Rusia anashkalon sanksionet duke paguar me kripto – Transaksionet e kriptomonedhave nga kompani ruse si “Kallashnikov”

Kriptomonedha Tether ka evoluar në një nga mënyrat më të rëndësishme të pagesës në çdo lloj tregu të zi dhe supozohet të mbështetet nga dollari, por autoritetet në mbarë botën nuk kanë aftësi për të kontrolluar përdorimin e saj. Si e tillë, ajo është dëshmuar jo vetëm e dobishme, por e nevojshme për Rusinë dhe ekonominë e saj të luftës, pasi e bën më të lehtë për të anashkalimin e sanksioneve perëndimore.

Në vitin 2023 vlera e transaksioneve arriti në 10 trilionë dollarë, por fakti kryesor është se industria ruse e kallashnikovit e përdori dhe pagoi furnizuesin e saj për blerjen e dronëve dhe komponentëve të teknologjisë së lartë, duke anashkaluar sanksionet kur edhe bankat kineze që kishin frikë nga sanksionet bllokuan pagesat nga Rusia.

Procesi kërkon ekzistencën e ndërmjetësve. Kompanitë ruse që importojnë komponentë të teknologjisë së lartë transferojnë pagesat e tyre në rubla në llogaritë bankare të trajtuara nga ndërmjetësit. Ata marrin përsipër të konvertojnë rubla në kriptomonedha dhe kështu të paguajnë në monedhën vendase furnitorët në vende të tjera si Kina dhe vendet e Lindjes së Mesme.

Sipas një raporti nga ‘Wall Street Journal’, një nga ndërmjetësit është Andrei Zverev, i cili pretendon se është një kontrabandist dhe ka lehtësuar industrinë më të madhe ruse të armëve të vogla, Koncernin Kalashnikov të paguajë furnizuesit e saj dhe të importojë komponentë elektrikë për dronët që janë përdorur me potencialin e tyre të plotë kundër Ukrainës.

Duhet theksuar se kallashnikovi është subjekt i sanksioneve nga ekonomitë perëndimore që nga viti 2014 dhe aneksimi i Krimesë. Tether lëshohet nga Tether Holdings, e cila është e regjistruar në Ishujt e Virgjër dhe në pronësi të një grupi të vogël individësh. Tether Holdings ofron kriptomonedhën për klientët e saj, të cilët e shkëmbejnë atë me dollarë dhe më pas e investojnë në Thesarin e SHBA-së.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.