Serbia kërkon alternativa ndaj gazit rus – Beogradi pret furnizime nga Azerbajxhani, Kroacia dhe Greqia

Beogradi po kërkon zgjidhje të reja për të ndryshuar furnizimin me gaz. Ministria e energjisë në Serbi konfirmoi se qeveria e vendit po punon pëkr të siguruar furnizimin me gaz natyror nga Azerbajxhani dhe gazin e lëngshëm nga Greqia dhe Kroacia, kjo pavarësisht lidhjeve të vendit me Rusinë

Ndërkohë vazhdojnë punimet dhe për gazsjellësin Niš-Danilovgrad që do të lidhë Bullgarinë dhe Serbinë, një projekt i mbështetur nga Brukseli. Kreu i delegacionit të BE-së në Beograd theksoi rëndësinë e planit për të gjetur mënyra të tjera furnizimi për vendin dhe për të garantuar më shumë gaz për familjet dhe sipërmarrjet. Bashkimi Europian ka investuar 50 milion euro për ndërtimin e gazsjellësit, ndërsa 25 milion euro të tjera janë dhënë hua nga Banka qendrore europiane.

Pavarësisht disa problemeve logjistike, gazsjellësi Niš-Danilovgrad duhet të jetë aktiv në shtator të vitit 2023. Por lufta në Ukrainë ka shkaktuar vonesa në furnizimin e materialeve të prodhimit.

Gazsjellësi do të ketë një kapacitet transporti vjetor prej 1.8 miliard metra kub gaz natyror. Për Serbinë lidhja me Bullgarinë është një plan infrastrukturor strategjik për të garantuar një rrugë alternative për furnizimet nga Azerbajxhani.

Aktualisht i gjithë gazi i importuar nga Serbia vjen nga Rusia: bëhet fjalë për rreth 2 milion metra kub në vit, që mbërrijnë në vend nëpërmjet gazsjellësit nënujor të Detit të Zi Turk Stream nëpërmjet Turqisë dhe në fund nëpërmjet një lidhjeje tokësore të njohur si Balkan Stream, Bullgari.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.