SHBA, eksportuesi më i madh i gazit natyror – 30 milionë ton në vit, 20 kontrata me Europën dhe Azinë

Shtetet e Bashkuara të Amerikës janë eksportuesi kryesor në botë i gazit natyror të lëngshëm. Teksa kufizimet e gazit rus kanë penalizuar shumë shtete, tashmë Europa dhe Azia janë kthyer në klientët kryesor të SHBA-ve.

Në një përpjekje për të mbajtur furnizime të qëndrueshme dhe mbushur depozitat e gazit për dimër, importet e gazit jo-rus në Europë janë rritur ndjeshëm. Gazi i lëngshëm aktualisht mbërrin në Europë kryesisht nga SHBA. Tani ajo është bërë eksportuesi më i madh në botë i këtij produkti, duke kaluar Australinë dhe Katarin në gjysmën e parë të këtij viti.

Kompanitë po regjistrojnë një numër rekord të nënshkrimeve të kontratave. Këtë vit, 5 kompani kanë nënshkruar më shumë se 20 kontrata afatgjata për të furnizuar me më shumë se 30 milion ton gaz të lëngshëm në vit, ose rreth 4 miliardë metra kub në ditë, për klientët në Europë dhe Azi. Firmat amerikane të gazit të lëngshëm duket se po kalojnë një kohë të mirë.

Sipas një raporti në Oil & Gas Journal, kontratat 10-vjeçare të gazit të lëngshëm janë aktualisht me çmim 75% më të lartë se në vitin 2021.

Por çfarë i pengon këto kompani është dhe kufizimi i kapacitetit të tubacioneve. Përballë kërkesave të larta në SHBA ndodhet mungesa e tubacioneve për eksportin e gazit të lëngshëm duke pasur parasysh kërkesën aktuale globale.

Aktualisht janë 4 projekte LNG në ndërtim, 12 të tjera janë miratuar nga rregullatorët federalë dhe 4 të tjerë janë propozuar për zbatim. Eksportet e gazit natyror të lëngshëm të SHBA-së parashikohen të rriten në 26.3 miliardë metra kub në ditë deri në vitin 2030 nga gati 13 miliardë metra kub në ditë aktualisht.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.