SHBA vendos një biznesmen në krye të Bankës Botërore!
Presidenti amerikan Joe Biden ka emëruar biznesmenin indiano-amerikan Ajay Banga për të udhëhequr Bankën Botërore, pasi udhëheqësi i saj i mëparshëm dha dorëheqjen e hershme. Lëvizja vjen pasi SHBA po bën thirrje për reforma në bankë, duke përfshirë rritjen e fokusit në ndryshimin e klimës.
I rritur në Indi, Banga drejtoi gjigantin e kartave të kreditit Mastercard për më shumë se një dekadë.
Biden u shpreh se ai kishte përzierjen e duhur të përvojës menaxheriale dhe financiare për të ndihmuar bankën të arrijë qëllimet e saj.
Shtetet e Bashkuara kanë qenë tradicionalisht përgjegjëse për zgjedhjen e personit që do të drejtojë Bankën Botërore, e cila u jep miliarda dollarë hua vendeve çdo vit.
David Malpass, i cili u emërua nga ish-presidenti amerikan Donald Trump, njoftoi planet e tij për t’u larguar nga organizata në fillim të këtij muaji.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.