Shifra rekord në volumet tregtare portuale Durrës-Porto Romano – Në muajt e parë të vitit 2024 kanë arritur 585 mijë tonë mallra

Viti 2024 ka nisur me rritje të ndjeshme përsa i përket shkëmbimeve tregtare. Referuar të dhënave zyrtare nga Autoriteti Portual Durrës thekoshet se përgjatë muajit të parë të vitit janë përpunuar rreth 585 mijë tonë mallra.

Kjo rritje konsistente, më e lartë se ajo e Prodhimit të Brendshëm Bruto në të njëjtën periudhë, dëshmon se transporti detar dhe logjistika portuale janë kthyer në sektorë mbështetës të zhvillimit ekonomik të vendit.

Por duke e parë në harkun kohor të 4 viteve të fundit, në kompleksin portual Durrës-Porto Romano, janë përpunuar mbi 23 milionë tonë mallra, cckaka përfaqëson mbi 93% të të gjitha vëllimeve të transportuara në rrugë detare në rang vendi.

Gjithashtu referuar shifrave zyrtare, nga viti 2020 dhe në vijim vihet re një trend rritës i mallrave të përpunuara.

Vetëm gjatë vitit 2020, në këtë nyje detare janë përpunuar 5 milionë tonë mallra, në 2021 vëllimet kanë pësuar rritje me 14% dhe trendi rritës ka vijuar edhe përgjatë viteve 2022-2023, vite të cilat kanë kaluar mbi 6 milionë tonë shifër rekord dhe për historinë e transportit detar në vendin tonë.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.