Shpenzimet shëndetësore varen nga ndryshimet klimatike – Bill Gates bën lidhjen e tij dhe jep ide për rrugëdalje

Bill Gates beson se ‘çelësi’ për të luftuar ndryshimet klimatike është përmirësimi i aksesit në kujdesin shëndetësor në vendet në zhvillim, një zonë që filantropisti miliarder shqetësohet se qeveritë po e neglizhojnë.

Sipas tij shëndeti global është larguar pak nga radari aktualisht. Gates shtoi se nëse duam të kujdesemi për ndikimet klimatike në dhjetë vitet e ardhshme, kur paratë do të jenë të pakta, atëherë shpenzimet shëndetësore duhet të rriten, jo të ulen”.

Fondacioni Bill & Melinda Gates, ku Gates është bashkëkryetar, njoftoi planet për të shpenzuar 8.6 miliardë dollarë në programet e teknologjisë dhe kujdesit shëndetësor në vitin 2024. Ky është buxheti më i madh i organizatës jofitimprurëse ndonjëherë dhe përfshin përpjekjet për të zhvilluar vaksina të reja dhe furnizime të lira për zvogëlojnë vdekjet nga malaria dhe poliomieliti.

Gates u bëri thirrje vendeve që të përdorin 0.7% të prodhimit të tyre të brendshëm bruto për ndihmë. Sipas tij shpenzimet për shëndetin nuk kanë vetëm përfitime humanitare, por përkthehen në përfitime ekonomike dhe mjedisore. Kjo sepse në një moment që ndërtohet një botë më e shëndetshme, atëherë rritja e popullsisë arrin një gjendje të qëndrueshme.

Së bashku me shëndetin, Gates ka mbështetur kompanitë e teknologjisë klimatike përmes fondit të tij Breakthrough Energy Ventures. Ai tha se është optimist për gjendjen e financimit të klimës, një zonë që ai parashikon se do të rritet nga inteligjenca artificiale.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.