Shqipëria e Kosova, në krye të Europës për trafikun ajror – Këshilli i Aeroporteve: Tirana +48 %, Prishtina +25 %

Shqipëria kryeson listën e vendeve të Europës me ndryshimin më të mirë të performancës në krahasim me vitin 2019 në trafikun ajror. Referuar raportit të Këshillit Ndërkombëtar të Aeroporteve për 6 mujorin e parë të vitit 2022, rezulton se Shqipëria është vendi me duke qenë vendi me  performancën më të mirë nga të gjitha aeroportet e 41 shteteve të Europës e jo vetëm ka rikuperuar nga pandemia, por edhe ka thyer rekordin e para pandemisë duke njohur rritje.

Referuar studimit, Shqipëria ka një rritje me 48 % të performancës ndërkohë 38 vende të tjera kanë performancë negative dhe as nuk kanë arritur që të mbajnë nivelet e parapandemisë.

Në total, janë vetëm 3 vende që kanë njohur performancë pozitive duke tejkaluar në trafik periudhën para vitit 2019.

Interesant është fakti se në vend të dytë sa i përket performancës është Kosova që ka një rritje me 25 % të performancës së trafikut ajror.

Po ashtu, vendi i tretë me performancë pozitive është Bosnja e Hercegovina me 22 % në krahasim me vitin 2019.

Arsyeja e kësaj rritje janë turizmi dhe ndryshimet infrastrukturore e ligjore që kanë mundësuar zgjerimin e linjave ndërkombëtare.

Sa i përket trafikut ajror në Europë këtë 6 mujor rezulton se rritja në total ka qenë me 247 % më shumë sesa e njëjta periudhë e vitit të kaluar. Në total janë 660 milionë pasagjerë që kanë përdorur aeroortet e Europës.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.