Shqipëria ratifikon marrëveshjen me Malin e Zi – Hapet pika e përbashkët të kalimit kufitar Shën Nikolla–Pulaj

Nëpërmjet një njoftimi të publikuar në fletoren zyrtare është bërë me dije se Këshilli i ministrave të Republikës së Shqipërisë dhe qeveria e Malit të Zi kanë ratifikuar marrëveshjen për hapjen e pikës së përbashkët të kalimit kufitar Shën Nikolla–Pulaj, për qarkullimin rrugor ndërkombëtar dhe kryerjen e veprimtarive të përbashkëta të kontrollit kufitar.

Autoritetet kufitare të të dyja palëve do të kryejnë kontrolle kufitare dhe kontrolle doganore.

Godina e Pikës së Përbashkët e Kalimit Kufitar do të ngrihet në territorin e Republikës së Shqipërisë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.