Si do të mbështetet inovacioni në 4 vitet e ardhshëm? – Projekti i BE nis fazën e dytë/ Hohmann: Ka shumë potencial!
Projekti “Eu for Inovation” do të mbështesë Shqipërinë në krijimin e një ambienti të përshtatshëm për ti dhënë shtysë krijimit dhe zhvillimit të bizneseve inovative në funksion të zhvillimit ekonomik dhe rritjes së konkurueshmërisë.
Në lançimin e fazës së dytë të këtij projekti, Ministrja e Financave Delina Ibrahimaj theksoi se potencialet që ofron vendi janë shumë të mëdha dhe se vetë qeveria ka marrë masa për mbështetjen e bizneseve inovative.
Në optikën e Bashkimit Europian, ky projekt është i rëndësishëm për të shfrytëzuar potencialin që ka vendi dhe aftësitë e të rinjve drejt inovacionit.
Faza e dytë e projekti “BE për inovacionin”, synon ta kthejë Shqipërinë një destinacion të rëndësishëm të inovacionit në të gjithë rajonit. Projekti do zgjasë deri në vitin 2026 dhe do të zbatohet nga GIZ dhe SIDA në bashkëpunim me qeverinë shqiptare.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.