Si mund të rrisin kompanitë produktivitetin? – Raporti/ 24% e bizneseve raportojnë se kanë nevojë për të shtuar eficiencën e tyre

Produktiviteti i kompanive në vend i krahasuar me konkurrentët e tyre perceptohet i njëjtë. E kësisoj, pikëpamje pesimiste ato kanë për nivelin e tyre të produktivitetit kur krahasohen me konkurrentët e tyre në tregjet rajonale e më gjerë. Sipas të dhënave, kompanitë e mëdha që operojnë më shumë se 10 vite në treg dhe me mbi 250 punonjësë deklarojnë një produktivitet më të lartë se i konkurrentëve të tyre. Por çfarë duhet të bëjnë kompanitë për të rritur produktivitetin në punë?

Erion Muça Ekspert Punësimi: “Së pari duhet të ndërtojnë mekanizma sesi të masin performancën dhe efiçencën e punonjësve brenda punës, mbi bazën e punës që ai ka dhe proceset që të realizoj. Të jenë të vëmendshëm ndaj rezultateve që një punonjës ka në kohë reale me afate një mujore, dy mujore apo tre mujore maksimalisht me qëllim që tëpunojnë me ta për t’i trajnuar së brendhsmi se si ta zhvillojnë produktivitetin apo për të marrë masa dhe ndëshkuese apo penalizuaese për një punonjës që e përsërit në mënyrë të vazhdueshme realizimin e një procesi pune duke e zvarritur apo stërzgjatur në kohë” së dyti do të duhet të ndërtohen mekanizme që një punonjës ta kuptojë se sa orë pune duhet të punojë në ditë dhe sa prej tyre duhet të jetë efiçente apo produktive.”

Ndërkohë sipas raportit kompanitë apo bizneset raportojnë se trajnimet në punë dhe investimet në to përmirësojnë produktivitetin. Por vetëm 6% e kompanive kanë konfirmuar se kanë një buxhet të dedikuar për kërkim dhe zhvillim të burimeve njerëzore.

“Kompanitë që investojnë në kërkim dhe zhvillim kryesisht janë kompanitë e mëdha dhe vip të cilat kanë një buxhet të destinuar për këtë process të cilët kanë skemat e brendshëm funksionalitetesh të mirë përcaktuar dhe të standardizuar por të cilët i kushtojnë shumë rëndësi angazhimit për të zbuluar një element apo një nevojë që ka tregu me qëllim që t’i përgjigjen mënyrave adeguate kësaj nevoje që ka tregu dhe duke e kursyer kështu si kapitali njerëzor, si investime të dëmshme apo të kota dhe duke bërë që të mund të përparojë dhe zhvillojë më tej sepse çdo lloj zgjerimi apo zhvillimi të tyre e bëjnë në mënyrë të kujdesshme nga ajo që kanë zbuluar përmes kërkimit dhe gjetjes së formave më efiçente, më alternative si të zhvillojnë apo të përmirësojnë më tej proceset e punës Për mua kjo gjë është shoqëruar me3 mungesën e investimeve në trajnimet e brenshme apo në zhvillim professional për punonjësit që po ashtu ka shifra shumë të ulëta në Shqipëri, tregojnë pasqyrën e vërtetë të situatës e cila është që sot kapitali njerëzor cilësohet kosto dhe shpenzim dhe jo iunvestim për sipërmarrjen dhe duke mos u cilësuar si investim për sipërmarrjet, automatikisht tendenca është redukttimi i punonjësve për nëj process të caktuar dhe jo puna me takt që ata të zhvillojnë dhe ecurinë, produktivitetin, mbarëvajtjen e tyre që do ndikojë pozitivisht jo vetëm në rritjen dhe zhvillimin e kompanisë në hapësirat dhe tregjet e reja, por do të ndihmojë dhe vetë punonjësit për të qënë më rezultativ dhe konkurrues si brenda vendit ashtu dhe jashtë me profesionet e tyre.”

Sipas sondazhit të Këshillit të Investimeve, vetëm 24% e bizneseve raportojnë se kanë nevojë për një trajnim për të përmirësuar produktivitetin dhe 46% e kompanive u janë përgjigjur presionit për të rritur pagat pasi kjo ka ndikuar në rritjen e produktivitetit.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.