Si “përkthehet” rritja ekonomike për qytetarët? – Civici: Politikat shtetërore duhet të orientohen në shpërndarjen e saj
Institucionet më të rëndësishme financiare si Banka Botërore dhe Fondi Monetar Ndërkombëtar kanë rishikuar me rritje ekonominë e Shqipërisë, duke e projektuar atë në nivelin 3.6 për qind për vitin 2023. Por si “përkthehet” kjo rritje për qytetarët shqiptarë?
Në një intervistë për SCAN TV, eksperti Adrian Civici, thekson se rritja ekonomike jo domosdoshmërisht prek të gjithë qytetarët dhe për këtë duhet të ndërmerret një qasje e re nga ana e politikave shtetërore.
Sipas tij, turizmi dhe ndërtimi kanë qenë motorrët kryesore të kësaj rritjeje.
Megjithatë, zhvillimet e fundit në Lindjen e Mesme, konsiderohen si rrezik kryesor për frenimin e rritjes ekonomike.
Në publikimin e fundit global, FMN ka rritur me 1.4 pikë përqindje parashikimin për ecurinë e ekonomisë shqiptare, ndërsa Banka Botërore ka rishikuar në rritje me 0.8% pritshmëritë. Ndërsa, qeveria shqiptare i qëndron parashikimit prej 3.7 %.
Elisabeta Dosku/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.