Si po ndikojnë ndryshimet klimatike në prodhimet bujqësore? – Guri: Efektet e para tek pemët frutore, kujdes i shtuar për burimet ujore

Ndryshimet klimatike në Shqipëri, të cilat kanë qenë më të theksuara në dekadën e fundit, po sjellin ndikimet e veta në prodhimet bujqësore në vend.  Në një intervistë për SCAN TV, profesori dhe këshilltari i Ministres së Bujqësisë, Fatmir Guri, thekson se efektet e deritanishme ndjehen më së shumti tek pemët frutore, ku një pjesë e mirë e tyre janë të destinuara edhe për eksport.

Sipas tij,  ende nuk është vënë re ndryshim i strukturës  së prodhimit bujqësor, por duhen marrë masa për t’i paraprirë situatave të pritshme dhe një ndër këto masa lidhet me administrimin më të mirë të burimeve ujore.

Në kuadër të këtyre masave, Ministria e Bujqësisë bashkë me Bankën Botërore do të implementojnë ndër të tjera, një projekt që synon pikërisht adresimin e efekteve të ndryshimeve klimatike.

Në buxhetin e Ministrisë së Bujqësisë, zëri i ujitjes dhe kullimit zë një peshë të rëndësishme të shpenzimeve totale.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.