Targat e përzgjedhura dhe të personalizuara – DPSHTRR: Rreth 144 milion lekë kanë ardhur nga shërbimi risi

Drejtoria e Përgjithshme e Transportit Rrugor ka publikuar të dhënat mbi targat e ofruara për periudhën Janar – Shtator 2023.

Sipas të dhënave të publikuara gjatë kësaj periudhe qytetarët kanë marr si shërbim:

• 3,270 Targa me Përzgjedhje Janar-Shtator 2023
• 576 Targa të Personalizuara që shëtisin mbarë vendin
• 1,719 Targa Souvenir Janar-Shtator 2023

DPSHTRR bën me dije se 143,980,916 ALL kanë qënë të ardhurat nga shërbimet risi mbi targat!

“Të ardhurat do të shkojnë për përballimin e atyre shërbimeve jetike për qytetarët/subjektet që DPSHTRR prej vitesh ndihmon t’u ulen kostot dhe tarifat, për modernizimin e sistemeve dhe infrastrukturës së shërbimeve të transportit rrugor, për projektet edukuese mbi trafikun dhe sigurinë rrugore, për aktivitetet Retro dhe eventet ndërgjegjësuese, për nisma përgjegjësie sociale e solidariteti, për financimin e reformave sektoriale, për programet e investimeve publike nga Automotorizimi Shqiptar dhe rritjen e kapaciteteve të entit”, njofton Drejtoria e Përgjithshme e Transportit Rrugor.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.